Das ist das fechten das maister martein hunffeltz gefaßt vnd geticht hat mit dem degen dem got genädig seÿ

Merck wenn dir einer zu° sticht mit dem degen vnden zu° dem leib | vnd hat den degen gefast das die scheib vorñ an der hant stet -

Das prich also

Item halt dein lincke hant fur dir an dem pauch | vnd wenn er vnden zu° stich so slach in mit der lincken hant oben auf sein rechte arm~ | vnd var im innwendig vnden durch sein rechten arm~ | vnd das dein lincke arm¨ aus wendig auf sein rechten chüm | vnd trit wol zu° jm | vnd heb vber sich | vnd prich ÿm den arm~ vber dein lincke achsel -

Das ist ein ander pruch

Merck | wenn er dir vnden zu° sticht so fall ÿm von oben nider mit der lincken hant in den degen das dein daum von dir stee | vnd slach mit der rechten ha~t von vnden auf ÿm vnder sein rechte arm~ vorñ peÿ der hant | so volgt dir der degen

Aber ein pruch

Merck | wenn er dir vnden zu° sticht so begreif im die hant mit deiner

lincken hant | vnd lauf ÿm mit dein haubt durch den arm~ | vnd begreif in in dem lauf mit der rechten hant sein rechts pain | vñ trag in also wo dw hin wild | Oder slach von vnden auf In vnder den elpogen mit der rechten hant hinden in das gelenck -

Aber ein pruch

Merck | wenn er dir vnden zu° sticht | so greif ÿm den arm~ mit der lincken hant | vnd druck vnder sich | vnd fal ÿm mit der rechten hant von vnden auf in den elpogen | vnd zeuch do mit vbersich daz ist gu°t

Das ist wie man den degen aus reissen sol

Merck wenn er den degen hat gefast das im die schaid vorn an der hant stet | so fas deinen auch also | Sticht er dir denn vnden zu° so fach mit ÿm geleich ein | vñ pint mit deine~ degen an den sein | vnd begreif pald den seinen von oben nider mit der der lincken hant das dein daumen gegen dir stee | vnd went deinen degen auf sein rechte hant | vnd mit der lincken prich seinen degen vber deinen degen vbersich so nÿmpstu ÿm den degen -

Aber ein aus reissen

Merck | hat er den degen gefast | das doe scheib an seine~ klaine~ finger stet | vnd sticht dir oben zu° so verker dein lincke hant | vnd var von vnden auf | vnd be

greif ÿm den arm~ vorn~ peÿ der hannt vnder seine~ degen | vnd würg* ÿm den degen mit deine~ lincken arm vbersich auf

Also prich das

Merck | wenn du auf einen stichst von oben nider | vnd hast den degen gefast das die scheib hinden an deiner hant stet | vor setzt er mit verkarter hant es seÿ mit welicher hant es seÿ | vnd wil dir den rechten arm~ vmb reißen | oder den degen aus wurgen so wind jm den degen vber sein hant vñ schneid ÿm ab die hant -

Aber ein pruch

Merck sticht er von oben nÿder | vnd hat den degen gefast das die scheib hinden an der hant stet | So fass dein degen auch also | vnd stich von vnden auf mit verkartem degen gegen seinem stich | vnd lass dir die hant nicht begreiffen | vnd stich in das gesicht -

Aber ein pruch

Merck | hat er den degen gefast das ÿm die scheib hinden an der hant stet | So fass den deinen auch also sticht er dir denn oben zu° | so stich von vnden auf von deiner lincken seitten gegen seine~ stich mit verkartem degen | vnd var mit deine~ degen vber sein arm~ vorñ peÿ der hant | vnd druck nÿder mit dem degen | vnd mit der lincken nÿm ÿm das gewicht peÿ

dem elpogen -

Merck wenn dw mit deine~ degen vber sein hant geforñ pist so greif mit deiner lincken hant vnden druch dein rechte in dein degen klingen | vnd druck dein arm~ vast zu° samen | vnd ruck vast vnder sich | so hastu jm den arm gefangen -

Merck hat er den degen gefast das die scheib hinden an der ha~t stet | vnd stich dir oben zu° so verker dein lincke hant | vnd begreif im do mit sein rechte | vnd mit der anderñ hant stich ÿn wo dw hin wild oder begreif im das pain mit der rechten | vnd chum also zu° ringen -

Merck | wenn du | jm mit lincker verkarter hant seine rechte hant gegriffen hast so slach in mit der rechten hant von oben nÿder in die arm~püg | vnd prich ÿm sein rechten arm~ vber deinem rechten -

Item wenn einer von vnden auf sticht so stich du starck von oben nÿder den holen sticht | vnd tempf ÿn -

Merck das haist der schlüssel dar umb das man alle schlos* do mit auf schleust der get also zu wenn einer auf dich sticht mit eine~ degen | vnd du in den henden kain were nicht hast so stee still | vñ leg dein hendt eine auf die ander daraus soltu auf schliessen alle schloss gegen dem degen einer stech auf dich oben oder vnden -

Merck die pruch aus dem schlüssel mit leren henden

Merck sticht dir einer oben zw° mit dem degen so verker dein rechte hant | vnd vach seinen rechten arm~ vorñ peÿ der hant | vnd raÿd ÿm den arm~ vmb | vnd mit der lincken nÿm ÿm das gewicht peÿ dem elpogen | vnd die weil dw ÿm das gewicht nÿmpst so stos mit deiner rechten hant seinen rechten arm~ oben vber deinen lincken | vnd heb mit dem lincken arm~ seinen rechten vber sich auf so hastu In gefangen | vnd magst neben ÿm essen | vnd trincken das er von dir nicht mag kumen -

Aber ein pruch mit leren henden

Wenn dir einer vnden zu° sticht so fall ÿm mit der lincken hant auf sein rechte | vnd halt die fest | vnd greif mit rechter verkartter hant vnden in sein degen | vnd wend ÿm sein degen von vnden auf zw°° seine~ leib mit der spitz | vnd lauf mit deiner prust hinden an den degen sp stichstu ÿn mit seine~ aigen degen -

Aber mit leren hendñ

Wenn dir einer mit dem degen vnden zu° sticht so begreif ÿm den arm~ mit paiden henden | vnd lauf ÿm durch den arm~

vnd halt fest | So prichstu jm den arm~ auch nÿmpstu jm den degen | ob du wild -

Ein anders

Wenn dw im den arm~ mit paiden henden begriffen hast | So raid vmb | vnd wendt dich durch auf dein rechte seitten | vnd prich ÿm den arm~ vber dein lincke achsel

Aber mit leren henden

Wenn dir einer zu sticht | So begreif ÿm den arm mit paiden henden | vnd trit wol zw ÿm | vnd wendt dich auf dein rechte seitten | vnd prich ÿm den arm vber dein prust

Oder treib das ringen

Var mit deiner lincken hant vorñ für sein hals | vnd schreit mit deinem lincken fues hinder seinen rechten | vnd würf ÿn vber dein lincks knÿe aus dem fuess -

Mit leren henden

Wenn er sticht so begreif jm die rechten hant mit deiner lincken | vnd mit der rechten begreif jm vnden den elpogen | vñ zeuch do mit do mit zu° dir | vnd mit der lincken stos ÿm den arm~ oben von dir | vnd spring mit deinem rechte fuess hinder seinen lincken | vnd würf ÿn aus dem fuess vber dein rechtzs knÿe -

Back to Danzig page
Back to main page.